By Hoërskool Montana is landloop nie net ’n sport nie – dit is ’n familie. Hier kuier atlete, ouers en afrigters saam, deel die uitdagings van wedlope en vier die oorwinnings wanneer Montie-landlopers nuwe persoonlike bestes behaal.
Landloop is vir almal – ongeag jou agtergrond, liggaamsbou, vermoë of fiksheid. Die enigste vereiste? Daag op, gee jou beste en geniet elke oomblik!
Ons seisoen duur van April tot September, met die hoogtepunt: ’n opwindende oefenkamp by Zwartkloof, waar spanbou, avontuur en wildbesigtiging deel is van die ervaring.
