Monties rolbal en rolbal as skolesport groei jaar tot jaar. Ons neem nou vir die derde jaar deel en het in ons tweede jaar van deelname die B-liga, sowel as die C-liga gewen. Enige leerder kan rolbal speel.
Wonderboom Rolbalklub is ons tuisveld en ons oefen op ‘n Dinsdag- en Donderdagmiddag, onder die afrigting van hoogs gekwalifiseerde afrigters van die klub. Hulle help elke speler, vanaf beginner tot gevorderd. Elke speler is gratis ingeskryf as lid van die klub sodat hulle enige tyd daar kan oefen en ook kan deelneem aan die toernooie en kompetisies wat die klub vir alle lede aanbied.
Ligawedstryde vind plaas op ‘n Vrydagmiddag gedurende Augustus, waarna ‘n oefengroep aangewys word met die oog op die provinsiale toernooi wat tydens die Maart-skoolvakansie van die volgende jaar plaasvind. In samewerking met BGN (Bowling Gauteng North) is daar geleenthede vir die spelers om te kwalifiseer as merkers, skeidsregters en afrigters. Hierdie kwalifikasies is op dieselfde vlak as senior klubspel. Rolbal is ‘n sport vir ‘n leeftyd!
