Sagtebal het in 2024 baie goed presteer. Die 0/15A-span was ligawenners, en die 0/16A-span het tweede in die liga geëindig. Beide spanne, asook die eerstespan het gekwalifiseer vir die Tshwane Kampioenskappe. Hier het die 0/15A-span algeheel tweede geëindig, terwyl die 0/16A-span en die eerstespan algeheel vierde geëindig het.
Die skool se A-spanne het algeheel derde in die liga geëindig.
Die B-spanne speel in hul eie liga, waar die 0/16B-span as ligawenners gekroon is, en die 0/14B-span algeheel derde geëindig het. Dit is die tweede jaar wat ons B-spanne in al die ouderdomsgroepe het, met spelers en afrigters wat die ekstra myl loop en hul taak uitstekend uitvoer.
