2023 was ‘n besondere jaar vir Monties Sagtebal. Ons het vir die eerste keer B-spanne ingeskryf in al die ouderdomme van die liga. Die volgende spanne het in die A-liga meegeding: 0/14A, 0/15A, 0/16A, tweedespan en eerstespan, terwyl die 0/14B-, 0/15B- en 0/16B-spanne in die E-liga deelgeneem het.

Die A-spanne het besonders goed gevaar en die skool eindig algeheel derde in die liga. Die 0/14A- en 16A-spanne eindig tweede in die liga en kwalifiseer vir die Tshwane Kampioenskappe. Die 0/16B-span het goed gevaar deur algeheel eerste in hul liga te eindig en die 14B- en tweedespan algeheel tweede in die liga.By die Tshwane Kampioenskappe eindig die 0/14A-span algeheel tweede en die 0/16A-span algeheel vierde. Ons is voorwaar trots op die spanne.

Monties Sagtebal lewer ook 6 provinsiale spelers op in 2023 en 3 provinsiale afrigters, Jackie van Wyk, Kyra van Huyssteen en Jonelle Coertze, wat hulle provinsie verteenwoordig het by die jaarlikse IRT-toernooi.

Een speler is in die 0/17 Summer Games-span ingesluit, waar sy gekies is vir die Allstar-span. Sy is ook aangewys as die beste vanger van die toernooi. Mnr. JJ Diamond was die afrigter van dié span, wat onoorwonne uit die toernooi getree het dus die wenners was by die nasionale “Summer Games”.

Ons is opgewonde oor die 2024-seisoen.