By Hoërskool Montana is swem meer as net ’n sport - dit is ’n geleentheid vir leerders om hul talent te ontwikkel, dissipline aan te leer en deel te word van ’n dinamiese span. Ons beskik oor ervare afrigters wat swemmers deurlopend ondersteun en ontwikkel, met gereelde oefening deur die jaar.
Die amptelike swemseisoen strek van September tot Februarie en bied aan leerders volop geleenthede om hul vaardighede te slyp en te presteer.
Die swemjaar begin met ons jaarlikse interhuisgala in September, waar huise teen mekaar meeding om die sterkste span te bepaal wat die skool verteenwoordig. Gedurende die vierde en eerste kwartaal neem ons swemmers deel aan aflos- en vriendskaplike galas, wat waardevolle ervaring bied ter voorbereiding vir die interhoër.
Hoërskool Montana beskik ook oor ’n gevestigde swemklub by die skool wat ekstra en gespesialiseerde oefening moontlik maak vir swemmers wat hul potensiaal verder wil ontwikkel.
Ons is trots daarop dat ons swemprogram in 2025 deur Swem Suid-Afrika as ’n High Performance Centre aangewys is en dat ons in 2026 aan die A-bond Swem Interhoër deelneem. Hierdie erkenning weerspieël die hoë standaard van ons afrigting en die toewyding van ons swemmers.
Hoek van Dr Swanepoel- en Sesdeweg, Montana, Pretoria, 0182
(560 6th Rd, Pretoria, 0151, South Africa)
GPS: -25.674537, 28.24169
