Die Monties wat aan tafeltennis deelneem, geniet dié sport terdeë. Dis ’n unieke sport wat sommer baie pret is en binnehuis gespeel word. Daar was meer as 60 leerders wat aan oefeninge deelgeneem het gedurende die af-seisoen.

Die Monties word afgerig deur mnr. Danie Olivier, ‘n Noord-Gauteng tafeltennisspeler. Hoërskool Montana neem deel in die A- en B-ligas van die Gauteng-Noord skolereeks. Vir ’n skool waar tafeltennis redelik nuut is, is dit ‘n groot prestasie om in die hoogste ligas deel te neem. Ons sien uit om teen die ander top-skole in Pretoria goeie, kompeterende tafeltennis te speel.